Humaare Baare Me

Hindified, Hindified.com, Hinglish, Hinglish Website

Hindified vo website hai jo Bharat ke logo ko jodti hai!

Hindified par aane ke liye aapka dhnayavad! aur hume behad khushi hui ki aap humare baare me janne ke liye iss page par aaye hain. Sabse pehle aap ye soch rahe hongey ki Hindified shabd ka arth kya hota hai, toh jaan lijiye ki Hindified ka matlab hota he Hindi me badalna. Example ke taur par, jaise “Simplified” ka arth hota hai kisi bhi chiz ko simple bana dena, “Identified” ka matlab hota hai kisi bhi chiz ya insaan ko pehchan lena, usi tareh “Hindified” ka arth hai hindi me badal dena.

Hindified shabd ko hum bahut tareh se use kar sakte hain, jaise “I Hindified the answer” jiska matlab hai ki “Maine uttar ko Hindi me badal diya”. Ab jabki aapko Hindified shabd ka arth pata chal gaya hai to ab jaante he ki Hindified.com ko kyun banaya gaya hai.


Hindified Ki Kahani

Hindified, Hindified.com, Hinglish, Hinglish Website

Hum sabhi iss baat ko jaante hain ki duniya bhar me Angrezi bhasha ka upyog kia jata hai, aur Bharat me bhi jyadatar log angrezi bhasha ko padhna aur likhna jaante hain. Lekin, aisi bahut si paristhitiya hoti hain jahan angrezi samajhna mushkil ho jata hai. Aur ye baat bhi sach hai ki bharat me Hindi bhasha jo Devnagri lipi me jaata hai, jo ki sabhi logo ke samajh nahi aati.

Bharat me vibhinn rajya hain jahan hindi nahi boli jaati, aur devnagri ka upyog nahi kia jaata, balki Hinglish ka upyog kia jaata hai. Adhiktam bharatiye aam bolchal me hindi bhasha ka prayog karte hain, lekin wahin kisi se chat karte waqt ya social media jaise Facebook, aadi par Hinglish bhasha ka jyada prayog kiya jaata hai, jis bhasha par Hindified bani hai.


Hindified Kiske Liye Banai Gai Hai

Hindified, Hindified.com, Hinglish, Hinglish Website

Hindified un logo ko dhyaan me rakh kar banai gayi hai jo log Hinglish bhasha ka prayog karna adhik pasand karte hain, jo English me Hindi ko padhne aur likhne ko prathmikta dete hain. Lekin, aisi website jo Hinglish me articles aur zaroori jaankari pradaan kare, naa ke barabar hai. Isiliye Hindified ko banaya gaya hai taaki Hinglish istemaal karne vaali janta bhi aasani se aur bina kisi bojh ke kuch naya padh sake aur kuch naya seekh sake.


Hindified Par Aapko Kya Milega

Yahan aapko vo sab kuch milega jo aap dhund rahe hain. Upyogi articles, tazaa khabren, gyaan pradan karne vale articles, swasth sambandhi tips, technology se sambandhi tips aur tricks, aur vo sab kuch jiski aap kalpana kar sakte hain. Hindified aap jaise pathako ko yahan ek accha anubhav pradaan karane ke liye samarpit hai aur humesha rahega.


Hinglish Bhasha ke liye Apna Yogdan Kaise De Sakte Hain

Hinglish bhasha me uplabdh jyada jaankari online nahi hai, isliye hume ya toh sab kuch shuddh hindi bhasha me padhna padta hai, ya phir angrezi me. Hinglish bhasha me jaankari pradaan karane ki humaari ye pehal me aap bhi apna yogdaan de sakte hain. Aapko bas itna karna hai ki aap jis bhi jaankari ke liye online khoj kar rahe hain aur yadi vo jaankari abhi tak humaari website par uplabdh nahi hai toh aap humen uske baare me bata sakte hain.

Aap bina ek paisa kharch kiye humse sampark karke humen un jaankariyon ya articles ke baare me bata sakte hain jo aap Hinglish me padhna chahte hain lekin vo ab tak humaari website par nahi daali gayi hai. Aapka sujhav milte he jitni jaldi ho sake, humaari team uss jaankari ko uplabdh karane ka prayaah karegi. Aap bahut he aasani se apna sujhav, sandesh ya aapke man me humaare liye maujood koi bhi baat humen mail karke bata sakte hain. Yahan click karke aap humaare sampark form par jaa sakte hain.

Hum aasha karte hain ki jo kuch hum yahan prakashit karenge vo aapke liye ya to upyogi hoga ya aapka manoranjan karega. Ek baar phir se humaari website Hindified par aane aur iske baare me janne ke liye aapka dhnayavaad.